IMG-LOGO


 

 

ترجمي ڪندڙ جي غلطي کي سياسي معاملو نه بڻايو وڃي: بئرسٽر مرتضيٰ وهاب

ڪراچي ( پهرئين فيبروري 2020) سنڌ حڪومت جي ترجمان ۽ وزيراعليٰ سنڌ جي قانون، ماحوليات واري صلاحڪار بئرسٽر مرتضيٰ وهاب چيو آهي ته ستين درجي جي معاشرتي علم جي ڪتاب ۾ لاڳاپيل مضمون جي تحرير جي نشاندهي تي چيو ته انگريزي متن جو اردو ترجمو ڪندي ترجمي ڪندڙ جي غلطي ٿي آهي پر ان معاملي کي سياسي بڻائڻ کان پاسو ڪيو وڃي. اهڙن خيالن جو اظهار هن ڪراچي پريس ڪلب جي اسپورٽس گالا جي تقريب ۾ بطور مهمان خاص شرڪت ڪندي صحافين سان ڳالهائيندي ڪيو. هن چيو اسان متحده قومي موومينٽ جي ان نشاندهي تي انهن جا شڪرگذار آهيون پر ان عمل تي سياست نه ڪن. هن چيو ته نئين سال جي نصاب ۾ هي مضمون پنهنجي مفهوم جي درستگي سان گڏ شايع ڪيا ويندا ۽ مذڪوره پيراگراف کي مضمون مان ختم ڪيو ويندو. هن چيو ته هي غلطي قطعي طور تي ارادي سان نه ڪئي وئي. ان ۾ ليکڪ يا ترجمي ڪندڙ جي ذاتي راءِ شامل نه آهي. ان کان علاوه هن ڪتاب جو ليکڪ ، ترجموڪندڙ ۽ سنڌ ٽيڪسٽ بڪ بورڊ پاران ان غلطي جو اعتراف ڪندي معذرت ڪئي آهي ۽ تصحيح جي هدايت جاري ڪئي آهي. صوبائي صلاحڪار بئرسٽر مرتضيٰ وهاب چيو ته اسان تسليم ڪريون ٿا ته غلط ترجمو هو جيڪو نه ٿيڻ گهرجي ها. تقريب ۾ صوبائي صلاحڪار بئرسٽر مرتضيٰ وهاب صحافين سان گڏ خوشگوارلمحا گذاريندي راندين ۾ پڻ حصو ورتو ۽ رانديگرن کي سارهايو.

 

هينڊآئوٽ نمبر131 ايم آئي زيڊ


Handouts

CONDOLENCE

06-03-2020

CORONAVIRUS

02-03-2020

CORRIGENDUM

06-01-2020

CHARGE ASSUMPTION

28-11-2019

PAC DIRECTIVES.

29-10-2019